SEI IN > VIVERE VENETO > CULTURA
articolo

Treviso: "Quando el sol va zo rabioso, el zorno drìo no xe piovoso"

3' di lettura
28

Ve xe piasua Milena Zulian ? Femo parità, ve xe piasuo Osvaldo Bisigato ? Saria sta beo risever do comenti de chi che i ga visti in Piasa Dei Signori. Spetemo che scrivè. Sto qua le el novo articoo dea Rubrica che la vien fora de marte sul zornal de mercoe in Lengua Veneta, e me dispiase ma no parlemo de tose, ma de tempo, quel del sol e dea piova, che le massa beo in sti di

Bea foto de Agnoleto Alberto, cossì o femo contento e rispetemo il dirito de chi che la gà scatada. Feme un piaser, stuè quea teevision che a ve rimbambisse. Quea scatoaa no i la ga studiada par informarve, ma par darve ordini. Gaveo stuaà ? Eora inisiemo a ciacolar del tempo. Mejio a mona ? Dovemo far un'alternansa de radici, che i deve eser coti e crui.

Na volta ciacoemo dea mona e na volta de robe anca diferenti, se no a Milena sea sognemo anca de note. Inquò dovemo parlar del tempo, parchè le beo, beoo, beooo e aa teevision i dise che le “colpa del cambiamento climatico”. Ma cossa xe che i vol ? A Siberia neaa Marca ? Par lori dovaria eser fredo, fredoo, fredooo, parchè se no vien xo i ghiaciai i xe sgiassa, na roba come da putei a tegner massa in man el geado el cono se impeta tuto sue man.

Speta che pensemo, na volta come xera ? Zenaro un fredo can, lera normal. Se pensemo un fià seo ricordemo el giasso a zenaro no lera na roba strana. Andemo a veder e serchemo de capir. Milena Gabanelli, smettè de tirarme e piere, so anca mi che no la xe bea come a Milena Zulian, ma a dise dee robe che podaria eser interesanti. Sol che nel domiasedese domiadisanove “le cinque maggiori aziende di gas e petrolio (ExxonMobil, Royal Ducht Shell, Chevron, British Petroleum e Total) hanno investito più di un miliardo di dollari per le campagne di disinformazione sul clima. Finalizzate a negare la correlazione diretta tra le attività umane ed il riscaldamento climatico”.

Quanto xe un miardo de doari ? Mi me ricordo che xe disea che un xe rico colgà un miardo de Lire. Par che i sia tanti schei, ma chi le che i ga ciapai ? I pi furbi, che i saria i “siti negazionisti” che i ga un saco de xente studiada e impegnada a convirse noialtri che le tuto natural. I dise robe da mati. JunkScience.com: “La messa al bando del Ddt ha causato milioni di morti in Africa”. The Heartland Institute: “Il cambiamento climatico è un fenomeno naturale”. Friends Science: “La terra si sta raffreddando” GWPF Global Warming Policy Foundation: “Gli orsi polari sono aumentati da 26mila a 30mila nel 2020”.

E da noaltri come xe la disnformasion sul clima ? Me pare che a vaga ben; pensè cossa che i ga fato 83 persone nel domiadisanove, i ga invià na petision (no le francese se no saria pet) al Presidente dea Republica, del Consiio, dea Camera dei Deputai e del Senà, disendo che no le vero “l'allarmismo climatico”. I gera sol 83 manco dei garibaldini, ma i ga avuoo un'atension granda, ma granda dei zornai, dee teevision. I xe stai creduii gnanca se i fose stai tuti Einstein. Mi no so cossa pensar, disemeo voaltri. Godemose el sol a zenaro che le beo e ne scalda e ne fa sorider, ma mi me par che le qualcossa de strano. Scrivee sul zornal o sua pasina Facebook quel che pensè. Dovemo anca rifleter, se le massa sol ne brusa anca i radici. Ve prometo che marti prosimo tornemo a parlar de robe lezere.



Questo è un articolo pubblicato il 30-01-2024 alle 21:21 sul giornale del 31 gennaio 2024 - 28 letture






qrcode